•296

REGISTRES DU BUREAU

[i563]

CCCCXLVII. — Ordonnance aux Quarteniers. Commission [à] sire Claude Marcel, Eschevin. —Carre', desracleur.

7 septembre i563. (H 1784, fol. 217 v°; H 1785, fol. 79 v°.)

Du septiesme jour de Septembre mil v° lxiii.

Au jour d'huy, au Bureau de la ville de Paris, a esté ordonné, suivant le commandement faict par monseigneur le duc de Montpensier, que commandement sera faict par le premier sergent de lad. Ville aux seize Quarteniers d'icelle de comparoir, ce jour d'huy, de trois actendant quatre heures de relevée, en l'hostel et par devers led. s^r duc de Montpensier pour entendre ce qu'il a à leur ordonner et commander pour le service du Roy, leur signiflîant que à ce ilz ne facent faulte.

Ced. jour, Mess" les Prevost des Marchans et Eschevins de la ville de Paris, ayans entendu que au village de Sevre et autres villages des environs d'icelle Ville y a grand nombre de gens de guerre qui se acheminent d'icelle Ville, a esté commis et delegué sire Claude Marcel, l'un desd. Eschevins, pour soy retirer vers les majestez du Roy et de la

Royne pour leur faire tres humbles prieres et supplications de ne permectre lesd, gens de guerre approcher lad. Ville, ains prandre autre chemin, pour le dommage qu'ilz pourroient faire es fruictz presens et prestz à y recueillir, et autres bonnes et justes occasions.

Est comparu aud. Bureau, suivant le commandement à luy faict, Jehan Carré, desbacleur de lad. Ville'¹', lequel a remonstré que, pour la commodité et soustenance des basteaulx arrivans es portz de Greve, il est besoing de ficher en la riviere de Seyne, depuis et à l'endroict du ruisseau venant de la ruelle S' Jehan'²' jusques au Port au bois, cinq pieux bernez t³' de pierres, bois et ferrez à gros boulions de fer. A esté ordonné que les m^cs des œuvres des pontz et desbacleurs de lad. Ville seront mandez au premier jour pour sur ce donner advis, pour, ce faict, en ordonner ainsi que de raison.

CCCCXLVIII. — Pour rendre les armes et les porter en l'Hostel de la Ville.

9 septembre i563. (H 1784, fol. 217 ^v°. H 1785, fol. 80 r°.)

Du jeudy, ix^e Septembre v^c lxiii.

Au jour d'huy, est comparu aud. Bureau Estienne Philippes, lequel, suivant l'injonction à luy faicte, le jour d'hier matin, a apporté aud. Bureau une paire de manches de maille, une pistolle et ung pulverin appartenant à m⁰ Gilles Davy, receveur des aumosnes et magazin d'armes des bandes françoizes du Roy, et cy devant prins pai' led. Philippes sur Estienne Lyevin, l'un des soldatz dud. Davy, passant par la porte S' Anthoine; lesquelles maille, pistolle et pulverin led. Philippes a mis en nostre presence es mains dud. Davy, à ce present, qui les a receues, et s'en est tenu et tient pour contant, et en a quicté et quicte led. Philippes et tous autres.

De par le Roy.

c Tres chers et bien amez, avant que recepvoir vostre lettre du quatriesme de ce mois, avyons sceu par ce que nous avoient escript noz tres chers et bien amez cousins les duc de Montpensier et prince de La Roche sur Yon la resolution par vous prise en vostre Assemblée de remectre, suivant nostre intention'⁴', toutes les armes en vostre Maison de Ville, monstrant en cela quelle est vostre droicte affection à nous obeyr, ce qui nous a esté encores d'aultant plus confirmé par vostred. lettre, et comme des l'iver dernier vous debviez commancer, dont nous avons reçu singulier contantement, pour lequel nous donner tout parfaict

O Les débàcleurs étaient des officiers de ville qui avaient mission de faire débarrasser les ports, pour la sortie des vaisseaux vides amarrés au rivage et l'arrivée des vaisseaux chargés. (Dictionnaire de Trévoux.)

⁽³⁾ ll s'agit probablement d'une de ces ruelles qui allaient de la rue de la Mortellerie au quai de la Grève, comme par exemple la rue Pernelle.

(3) La lierne était une pièce de bois servant à relier les pieux d'une palée.

W Le registre H 1785 ne donne que le commencement de cette lettre jusqu'aux mots nostre intention; elle se trouve in extenso dans le registre H 1784.